Internseminar om regenerativt landbruk/hagebruk
Staben ved Høgskulen for landbruk og bygdeutvikling (HLB) møttest nyleg heime hos rektor Dag Jørund Lønning for eit miniseminar om regenerative driftsformer. Fokus for seminaret var effektiv bygging av mold og intensiv matproduksjon på små areal.
Dag Jørund orienterte om dyrkingsteknikkar som kan stimulera det enorme universet av mikroorganismar til å setja ekstra fart på sirkulering av næringsstoff – og difor produsera endå meir tilgjengeleg plantenæring.
Følgjande tema blei behandla:
- Filosofi: Korleis gjera arbeidet så lystbetont og triveleg som muleg?
- Økosystemet i molda
- Filosofi: Frå å gjødsla plantar til å dyrka mold
- Mangfald i åkeren. Korleis bør me så og kva plantar kan me bruka for å stimulera mikrolivet så mykje som råd?
- Produksjon og bruk av kompost (varmkompost og kaldkompost)
- Produksjon og bruk av kompost-te
- Teknologi (som både menneske og mold trivst med)
Med basis i Jordboka har HLB om kort tid klar eit to dagars intensivkurs i regenerativt landbruk/hagebruk. Kurset er bygd rundt temalista over. Dette kurset skal me tilby over heile landet. Interesserte kan kontakta høgskulen på [email protected]